LEZHË- Mëngjesi i sotëm në Lezhë ka nisur me një trafik të rënduar në rrugët e qytetit. Pas festës së Kurban Bajramit, pushuesit nga Kosova, turistët më besnik në Shqipëri, kanë marrë rrugën drejt plazhit të Shëngjinit, i cili është ndër destinacionet e tyre të preferuara.
Kjo ka sjellë edhe një radhë kilometrike makinash përgjatë aksin Lezhë-Milot dhe në rrugën e Shëngjinit.
Trafiku i rënduar vijon prej orës 09:00 të mëngjesit, teksa ka edhe një prezencë policisë rrugore në disa pika kryesore për të ndihmuar lehtësimin e lëvizjes. Kjo situatë është e përsëritur jo vetën në zonën e Shëngjinit, por në pjesën më të madhe të akseve në zonat bregdetare në vendin tonë gjatë sezonit turistik. Në intervistën e një ditë më parë të ekspertit Artur Sulçe për Report Tv, ai tha se rrugët në Shqipëri nuk mund të përballojnë një fluks kaq të madh, ku vetëm në ditë kalojnë 120 mijë makina në ditë.
B.K.//ReportTv.alKomente
Duhen zgjeruar edhe rruget e veriut,jo vetem.ato te jugut.Ndryshe turistet do ikin
Përgjigju