Parlamenti francez miratoi të mërkurën ndryshimet në buxhetin e vitit 2022, që synojnë të zbusin tronditjen e rritjes së çmimeve deri në fund të vitit.
"Me këtë votim, Asambleja Kombëtare ka miratuar masa thelbësore për të vazhduar mbrojtjen e jetës së përditshme të francezëve", tha Gabriel Attal, ministri i deleguar i financave publike.
Projektligji parashikon pagesën e një çeku energjie prej 100 euro (100 dollarë) deri në 200 euro për 12 milionë familjet me të ardhura më të ulëta.
Mazhoranca qeveritare dhe opozita votuan së bashku gjithashtu një mocion për dhënien e ndihmës prej 230 milionë eurosh për familjet që ngrohen me dru, qofshin trungje apo të ashtuquajtur pelet, shkopinj cilindrikë çmimet e të cilëve janë rritur në qiell.
Gjithashtu, në funksion të rritjes së kostove të energjisë, është miratuar edhe mbështetja për universitetet, ushtrinë dhe fermerët. Rimbursimi prej 0,30 € për litër në pikat e karburantit u shty deri më 15 nëntor.
Asambleja miratoi gjithashtu një subvencion prej 5 milionë eurosh për shtypin për të kundërshtuar rritjen e çmimeve të letrës. Masat e reja tani duhet të miratohen nga Senati francez.
S.S/ReportTv.al