Policia Rrugore e Elbasanit ka gjobitur me masë administrative 12 000 lekë të rinj një shofer që ka kryer parakalim të gabuar në kthesë me rrezikshmëri në aksin rrugor "Librazhd-Prrenjas".
Rasti është denoncuar nga një qytetar ndërsa policia më pas ka bërë verifikimet nëpërmjet pamjeve filmike.
“Si rezultat, shërbimet e Policisë Rrugore kanë identifikuar drejtuesin e këtij automjeti, shtetasin G. T., dhe i kanë vendosur atij, masën administrative 12 000 lekë të rinj, bazuar në pikën 10 të nenit 141, të Kodit Rrugor”, njofton policia.
Policia Rrugore e Elbasanit apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të vijojnë të denoncojnë në numrin pa pagesë 112, çdo rast të shkeljes së tyre.
B.K/ReportTv.al
Ketij duhet ti hiqet patenta jo gjobe ky jo vetem merr ne qafe veten po merr dhe te tjeret
Përgjigju