Betis fitoi 3-1 kundër Athletic Bilbao në Sevilla, sfidë kjo e vlefshme për javën e 26-të në La Liga.
Guadalupe Porras ishte protagonistja e një momenti të tmerrshëm gjatë ndeshjes. Gjyqtarja anësore u përplas me një kamera televizive kur u kthye në qendër të fushës pasi vërtetoi golin e Chimy Avila në minutën e 13-të të sfidës.
Fillimisht nuk dihej se çfarë kishte ndodhur kur Guadalupe u pa e shtrirë në tokë. Ngjarja bëri që ndeshja të ndalej pasi Porras ishte e gjakosur.
Guadalupe u trajtua nga shërbimet mjekësore të Betisit dhe më në fund u desh të zëvendësohej pasi nuk mundi të vazhdonte. Arbitri i katërt, Holgueras Castellanos, duhej të merrte përsipër vijën anësore ndërsa Guadalupe Porras u largua me barelë për t’u dërguar në spital dhe për t’u trajtuar për lëndimin e saj në kokë.
Më pas zyrtarët e ndeshjes njoftuan dy skuadrat që ndeshja do vijonte dhe në vijën anësore do ishte arbitri i katërt.
Imagem forte em La Liga: a assistente Guadalupe Porras Ayuso se feriu ao se chocar com uma câmera posicionada à beira do campo durante o Betis-Athletic e precisou ser substituída. pic.twitter.com/5qfpbXgv11
— Leonardo Bertozzi (@lbertozzi) February 25, 2024
S.DH/ReportTv.al
