Shtigjet e Shkallnurit, në Rashbull të Durrësit janë kthyer në një atraksion turistik sidomos për të apasionuarit e turizmit të ecjes, çiklizëm malor dhe aventurave në natyrë .
Me një gjatësi prej 10.4 km, terreni kodrinor i Shkallnurit është një nga bukuritë natyrore të bregdetit të Durrësit që mund të përshkrohet lehtësisht edhe në këmbë.
Turistët por edhe vendasit mund t’a shfrytëzojnë peizazhin e mrekullueshëm për piknik dhe kampe.
Afërsia me qytetin e Durrësit e bën këtë zonë lehtësisht të arritshme dhe mund të jetë pjesë e një itinerari mes turizmit të natyrës, ecjes, atij kulturor, detar etj.
Pamjet magjepëse të këtij vendi i ka shpërndarë kryeministri Edi Rama në llogarinë e tij në Facebook.
Komento
