Kompania ‘Apple’ është vendosur në qendër të akuzave, kjo pasi një konsumatore ka paditur sepse me anë të pajisjes Air Tag, ish i dashuri e ka ndjekur për një kohë shumë të gjatë. Kjo është historia e Lauren Hughes, e cila thotë se kjo pajisje i ishte vendosur nga ish-i dashuri në makinë dhe se e kishte kuptuar shumë vonë.
“Ishe duke u ndarë. Duke parë këtë gjë. Nuk e dija prej sa kohësh Air Tag ishte vendosur në makinën time. Apple duhet ta dijë se një gjë e tillë është e rrezikshme, unë po ndiqesha nga një njëri i rrezikshëm. Mendoj që nëse Apple nuk i bën këto pajisje më të sigurta, mendoj që duhet të ndalojë prodhimin e tyre”, tregon Lauren.
Ajo ka dhe një mesazh për kompaninë.
“Unë mendoj se ju nuk e dini se sa tmerruese është që të gjesh në makinë atë pajisje dhe të ndiqesh gjatë gjithë kohës, duhet të mendoni më shumë për konsumatorët, se si një pajisje e tillë ndikon në jetën e përditshme të secilit prej nesh”, tha ajo.
Tashmë Lauren i ka mbetur që të nis jetën e saj nga fillimi e në këtë jetë të re, mes lotëve tregon se po përpiqet që të bëjë më të mirën për të rikuperuar veten. Këtë padi ndaj Apple po e bën për një qëllim, që të “ndihmojë njerëzit që të mos ndihen njësoj si ajo”.
B.K./ReportTv.al