TIRANË- Kryebashkiaku i Kamzës, Rakip Suli është paraqitur ditën e sotme në Prokurorinë e Posaçme Antikorrupsion për shkak të padisë që ka bërë ndaj Xhelal Mziut.
Gazetari i Report Tv, Arsen Rusta mëson se Suli është thirrur në SPAK për të dhënë më shumë sqarime ndaj kallëzimit për Mziun për abuzim me tenderat në kohën që mbante postin e kryetarit të bashkisë se Kamzës.
Report Tv ka siguruar edhe videon nga momenti kur Suli futet në Prokurorinë e Posaçme. Ndërkohë, rreth 2 muaj më parë, ka qenë Xhelal Mziu që u paraqit në SPAK për këtë kallëzim.
Hetimet po ndiqen nga prokurori Klodian Braho. Sipas dosjes hetimore, në lejet e ndërtimit dhënë nga bashkia Kamëz, Xhelal Mziu në atë kohë kryetar bashkie, nuk ka zbatuar 3% të pronësisë për strehim social nga kompanitë e ndërtimit, të cilat sipas marrëveshjes e japin ose banesë të përfunduar ose paguajnë vlerën monetare.
Xhelal Mziu është kallëzuar më herët nga pasardhësi i tij edhe për lejen e thertoren së mishit në Paskuqan si dhe lejen e dhënë disa kompanive në transportin publik në Kamëz.
SI.E.//ReportTv.al