Ortodoksët e qytetit të Korçës festojnë sot Ditën e Verës! Fëmijë e të mitur e presin me zjarre e kërcime

1 Mars, 12:42| Përditesimi: 1 Mars, 12:55

  • Share

Qytetarë të besimit ortodoks në qytetin e Korçës festuan sot Ditën e Verës.

Sipas traditës së kësaj feste të vjetër pagane, qytetarët gjatë natës së fundit të Shkurtit ndezën zjarre në të gjitha lagjet e qytetit për të pritur 1 Marsin dhe ardhjen e pranverës.

Fëmijë e të rritur kryen edhe ritin e kapërcimit të zjarrit, që simbolizon largimin e së keqes. As reshjet e shiut nuk i ndaluan që të festonin.

“Janë festa pagane që transmetohen. Kështu i kemi gjetur e kështu po transmetohen. Tregon se kalon dimri dhe po vjen pranvera. Ndryshon edhe gjaku, edhe koha. Janë llafe popullore por janë dhe të vërteta. Është dhe kalendari Gregorian dhe Julian. Ne e festojmë dhe me datën një dhe me 14. Bëjmë kulaçka. Tradita të vjetra. Verore po. Nuk festohet se nuk ka as fëmijë. Janë bosh qytetet”, tha një zotëri.

Karakteristikë e festës së verës janë edhe gatimet tradicionale që përgatisin amvisat korçare.

“Bëjmë kulaç. Çdo familje korçare ndez një zjar dhe vendoset verore”, tha një djal i vogël.

Korça e feston ditën e verës në 1 Mars, sipas traditës ortodokse, por ky aktivitet kulmon edhe në datën 14, ditë që është festë kombëtare.

M.Q.//ReportTv.al
Komento
  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?