TIRANË- Një grup shoferësh e kishin kthyer rrugën e Mulletit në Tiranë në pistë garash. Përveçse organizonin gara shpejtësie në atë aks rrugor, ata publikonin edhe thirrje në rrjetet sociale për drejtues të tjerë që të bëheshin pjesë e këtyre garave.
Menjëherë pasi është vënë në dijeni, Policia Rrugore ka ndërhyrë dhe ka parandaluar zhvillimin e këtij aktiviteti të kundërligjshëm.
Për këtë shkak u shoqëruan në komisariat 11 drejtues automjetesh, të cilët u gjobitën me gjoba që varionin nga 15 000 deri në 40 000 lekë të rinj. Krahas masave administrative për gara shpejtësie, për tre prej tyre, u vendosën masa dhe për xhamat e zinj të errësuar.
K.T.//ReportTv.al
Komento
