Një biznesmen në Fier është gjobitur me 3 milionë lekë pasi organizonte festa në lokalin e tij në kundërshtim me masat anti COVID të vendosura në Aktin Normativ të Qeverisë.
Policia e Fierit njofton se si rezultat i kontrolleve, shërbimet e Komisariatit të Policisë Fier, kanë evidentuar dhe ndëshkuar me 3 milionë lekë gjobë E. Sh, pronar i një subjekti Lounge Bar në Fier pasi është konstatuar duke organizuar event festiv.
"Drejtoria Vendore e Policisë Fier apelon për të gjithë pronarët dhe administratorët që të respektojnë me korrektësi masat antiCOVID për të bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital cilindo administrator lokali që nuk i respekton këto masa kufizuese duke u kthyer në burim rreziku për qytetarët", thuhet në njoftim.
K.T./ReportTv.al