LEZHË- Dy persona janë arrestuar në Lezhë pasi organizonin lojëra fati të paligjshme, ndërkohë janë vënë nën hetim 12 persona që u kapën duke luajtur. Në pranga kanë rënë Arjan Nika, 38 vjeç, dhe Gazmir Karaj, 30 vjeç.
Ata i organizonin lojërat e fatit në ambientet e një lokali, në katin e dytë të një objekti trekatësh, në pronësi të 38-vjeçarit, në fshatin Rrilë.
Në kuadër të operacionit ‘Game Over’ u sekuestruan në cilësinë e provës materiale, një tavolinë për lojën “Poker”, letra dhe çipsa.
Materialet procedurale i kaluan Prokurorisë pranë Gjykatës së Shkallës së Parë të Juridiksiomit të Përgjithshëm Lezhë, për veprime të mëtejshme.
Komento
