OFL u ka dërguar formularin e deklarimin të pasurisë 5 të dënuarve, 3 prej tyre për vrasje ndërsa dy të tjerët për ' Vjedhja me dhunë' dhe 'Rrëmbimi ose mbajtje peng të personit'.
Në "sitë" janë Bledar Hasani, Selam Qëndro, Memo Lila, Sadik Hazizi, Gentian Çani.
Bledar Hasani, banues në Tiranë, i dënuar për veprat penale “Grupi i strukturuar kriminal”, “Vjedhja me dhunë” kryer në bashkëpunim në formën e grupit të strukturuar kriminal dhe “Vjedhja”;
Selam Qëndro banues në Tepelenë, i dënuar për veprat penale “Vrasja me paramendim” dhe “Vrasja në rrethana të tjera cilësuese”;
Memo Lila banues në Tepelenë, i dënuar për veprën penale “Vrasja me paramendim”;
Sadik Hazizi banues në Tepelenë, i dënuar për veprën penale “Vrasja me paramendim”;
Gentian Çani banues në Gjirokastër, i dënuar për veprën penale “Rrëmbimi ose mbajtja peng e personit”;
Këta të dënuar, siç thuhet në njoftimin e OFL, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
