Në një kohë që OFL-së po i mbaron afati 1-vjeçar, vijojnë dërgimi i formularëve për personat e dënuar për vepra të ndryshme penale, ku ditën e sotme Operacioni Forca e Ligjit i ka dërguar formularin e deklarimit të pasurisë gjashtë subjekteve në Dibër, Kukës dhe Berat.
OFL i ka dërguar sot formularin Astrit Dedjas, Xhevahir Potjas, Ilir Tushajt, Lulzim Tushajt, Amarildo Çobos dhe Aleksandër Kuqo, të dënuar për vjedhje me armë, trafik armëshm vrasje dhe shfrytëzim prostitucioni.
6 personat të cilëve OFL i ka kërkuar deklarimin e pasurisë, përgjigjet e të cilëve i dërgohen SPAK-ut për hetim.
Amarildo Çobo, banues në Berat, i dënuar për veprën penale “Trafikimi i armëve dhe i municionit”, i mbetur në tentativë. 31-vjeçari u arrestua në Kakavijë në prill 2016, duke tentuar të kalonte një kallashnikov drejt Greqisë.
Aleksandër Kuqo, banues në Berat, i dënuar për veprat penale “Shfrytëzimi i prostitucionit” dhe “Vrasja me paramendim”, e kryer në bashkëpunim. Kuqo, një prej 'të fortëve' të Beratit, i cili është dënuar me burgim të përjetshëm në Itali për vrasje me paramendim dhe shfrytëzim prostitucioni, dënim ky i konvertuar nga Gjykata e Fierit me 21 vite burg.
Astrit Dedja, banues në Dibër, i dënuar për veprën penale “Vjedhja me armë”, e kryer në bashkëpunim;
Xhevahir Potja, banues në Kukës, i dënuar për veprën penale “Vjedhja me dhunë”, e kryer në bashkëpunim;
Ilir Tusha, banues në Kukës, i dënuar për veprën penale “Vjedhja me armë”, e kryer në bashkëpunim;
Lulzim Tusha, banues në Kukës, i dënuar për veprën penale “Vjedhja me armë”, e kryer në bashkëpunim;
er.k./ReportTv.al