Dy punonjës policie janë vënë në pranga pasi kanë abuzuar me detyrën.
Të arrestuarit janë E.Ç 29 vjeç dhe K.Ç 26 vjeç me detyrë agjent verifikues/trup shërbimi në Komisariatin Rajonal të Policisë Rrugore Tiranë.
Arrestimi i tyre u krye pasi këta punonjës policie, duke qenë me shërbim me aparatin shpejtësi matës (Radar) dhe në bashkëpunim me njëri-tjetrin, pasi ndalonin automjete, nuk i ndëshkonin ata me masa administrative sipas parashikimeve të nenit 140 të Kodit Rrugor të Republikës së Shqipërisë, në shkëmbim të vlerave monetare.
Në cilësinë e provës materiale janë sekuestruar dhe vlerat monetare të përfituara nga punonjësit e policisë gjatë ushtrimit të detyrës.
Mbi dy punonjësit e policisë rëndon akuza për “Korrupsion pasiv i personave që ushtrojnë funksione publike” dhe “Shpërdorim detyre” në bashkëpunim.
Hetimet vijojnë në bashkëpunim me Prokurorinë pranë Gjykatës së Shkallës së Parë Tiranë, për evidentimin e të gjitha rasteve të ngjashme si dhe identifikimin e punonjësve të tjerë të policisë të përfshirë në këtë veprimtari.
J.GJ./ReportTv.al
Komente
Policia rrugore eshte kthyer ne polici rrugace shfrytezojn uniformen e shtetit per korrupsion dhe nuk e stabilizojn trafikun brenda qytetit levizin me makina e motora vijne verdalle neper rruge kurse kondravajtet jane para syve te tyre.
Përgjigju