Tifozët e Barcelonës kishin shpresa te Ousmane Dembele, por futbollisti francez ka mbyllur sezonin. Lajmi është dhënë nga vetë klubi katalanas që na faqen zyrtare ka njoftuar se 22-vjeçari ka kryer në Finlandë operacionin në tendinë, ç’ka do të thotë se ai duhet të qëndrojë për gjashtë muaj larg fushave.
Kjo është një goditje në qiell të hapur për Barcelonën e cila kishte shpresa te francezi, sidomos tekniku Setien, që në një konferencë për shtyp Dembele-n e kishte quajtur blerje të re, referuar faktit që se shpejti pritej të rikthehej në fushë që pas dëmtimit që pësoi në fillim të nëntorit.
Dembele në Spanjë ashtu si Bale ka marrë epitetin ‘prej qelqi’ për shkak të dëmtimeve të shpeshta. Futbollisti në verën e vitit 2018 është blerë për 120 mln euro nga Dortmundi, por që prej atij moment ka bërë në total vetëm 10 ndeshje të plota pa u zëvendësuar.
Ne.k./ReportTv.al