Apeli i GJKKO ka lënë sot në fuqi sekuestron e pasurive të ish-gjyqtarëve të shkarkuar nga vettingu, Fatos Lulo dhe Shkëlzen Selimi.
Gjykata e Posaçme Kundër Korrupsionit dhe Krimit të Organizuar pranoi më 28 prill kërkesën e SPAK dhe sekuestroi pasuritë e ish-gjyqtarit të Kushtetueses, Fatos Lulo dhe ish anëtarit të Gjykatës së Lartë, Shkëlzen Selimit. Sipas SPAK, ish-gjyqtarët kishin në pronësi pasuri të paluajtshme, të cilat nuk i justifikonin me burime të ligjshme, apo pasuri që i kanë fshehur.
Shkëlzen Selimi u shkarkuar nga KPK-ja në korrik të 2018, për kontakte me persona të përfshirë në krimin e organizuar si dhe për fshehjen e këtyre kontakteve. Ish-gjyqtari e ankimoi vendimin, por u shkarkuar nga Kolegji i Apelimit me vendim të formës së prerë në shkurt të 2019.
Fatos Lulo u shkarkua në mars të vitit 2018 nga Komisioni i Pavarur i Kualifikimit, ndërsa në korrik 2018, u shkarkua me vendim të formës së prerë nga Kolegji i Apelit. për shkak se disponon pasuri pa burime justifikuese.
Pasuritë që i janë sekuestruar dy ish-gjyqtarëve:
Fatos Lulos i është sekuestruar një dyqan me sipërfaqe 172 m2 në Tiranë. Ish-gjyqtari ka deklaruar se dyqanin në Rrugën e Durrësit në Tiranë, me vlerë 120 mijë euro, ia kanë bërë dhuratë motra. Kjo e fundit, sipas tij, i ka dhuruar edhe 100 mijë ero, ndërsa ka marrë hua edhe 480 mijë euro. Por, komisionet e Vetingut kanë konstatuar se motra e Fatos Lulos nuk ka pasur të ardhura të ligjshme financiare për të blerë dhe më pas dhuruar dyqanin me vlerë 120 mijë euro.
Shkëlzen Selimit, SPAK, duke zbatuar ligjin anti-mafia, i ka sekuestruar ½ e një karburanti në Shetitoren Lungomare në Vlorë. Duke qenë se ish gjyqtari u shkarkuar vetëm për pastërtinë e figurës, karburanti nuk ka qenë objekt diskutimesh gjatë seancave të procesit të Vetingut.
Karburantin ish gjyqtari e ka blerë në vitin 2013 për me vlerë 250 mijë euro. Ai pretenduar si burim një kredie me vlerë 6.6 milionë lekë, shitjen e një apartamenti dhe një garazhi në Vlorë me çmim rreth 79 mijë euro si dhe kursimet e tij me vlerë rreth 20 mijë euro. Karburantin e ka dhënë me qira me vlerë rreth 60 mijë USD në vit.
Komente
Uaaa ja moren Tos mafishes dyqanin.Sa mire ja paskan bo.Ky shiste pordhe neper Tirone,duke fitu pare nga korrupsioni,bashke me koleget gjykates.Gjurmoni edhe paren cash-se kane shume,please.
Përgjigju