Ëmbla Ademi, vogëlushja shqiptare në Maqedoninë e Veriut, ka shkuar sot në shkollë si të gjithë shokët dhe shoqet e saj. Rasti i Ëmbëlës bëri jo pak bujë, kjo për faktin se prindërit e nxënësve të tjerë në klasën e saj nuk donin që ajo të ishte në të njëjtën klasë me fëmijët e tyre për shkak se është me sindromën Down.
Por vogëlushja jo vetëm që ka shkuar në të njëjtën klasë, por edhe e shoqëruar nga vetë Presidenti i Maqedonisë së Veriut, Stevo Pendarovski. Ai i bëri një vizitë sot Ëmblës duke e marrë atë për dore e duke e dërguar në shkollë.
Babai i Ëmblës, Ilir Ademi, rrëfen ajo që nga shtatori ka pasur asistent arsimor, por shpesh i është dashur t’i ndërrojë klasat dhe mësueset, që është mjaft e lodhshme për një fëmijë me nevoja të posaçme.
Drejtori i Shkollës Fillore “Bashkimi”, Ziadin Nuredini, e pohoi se Ëmbla me moshatarët mëson vetëm disa nga orët mësimore, ashtu siç janë dakorduar edhe me prindërit e fëmijëve të tjerë.
Komente
Ketu ku jetoj une,femijet me probleme te tilla,ndjekin shkolla speciale,nuk regjistrohen ne shkolla te zakonshme.Autiket edhe lejohen,por ka patur plot raste kur jane krijuar shume probleme si bullizmi nga nxenesit e tjere,probleme me perqendrimin,sjelljen dhe te kuptuarit e mesimit si dhe ne disa raste kane perfunduar per shkak te veprimeve te tyre,te keqtrajtuar nga edukatoret,stafi dhe policet qe jane thirrur nga shkolla kur sjellja e tyre ka agravuar.Enderra e cdo prindi eshte qe femija e tij te eci ne jete,te jete i barabarte e te trajtohet njelloj si gjithe femijet e tjere e te respektohet njelloj.Realiteti ne fakt eshte shume me i ashper.Megjithate e vleresoj aktin e presidentit.Me kujton rastin e Ruby Bridges qe u shoqerua nga federalet ne shkolle si e para nxenese me ngjyre ne kohen kur po luftohej kunder segregacionit.
PërgjigjuËshtë i pakuptueshëm fakti që prindërit "e tjerë" ankohen për cilësinë e mësimdhënies, me arsyetimin se në klasë qenkësh dhe një fëmijë me aftësi të kufizuara. Është akoma më i pakuptimtë pohimi i drejtorit të shkollës se "është dakorduar dhe me prindërit e tjerë"... Është njëkohësisht domethënës gjesti i shoqërisë civile të përfaqësuar edhe nga vetë Presidenti - të cilit i heq kapelen - në mbrojtje të një të drejte të patundur dhe pa asnjë pretekst ankimi. PS. Jam nga Jugu, por vajzën e parë e quajtëm AMLA. Im atë, kur e njoftova, më pyeti: "Përse, o bir, nuk e quajtët ËMBLA?"... Ngaqë tingëllon më ëmbël, baba - i thashë - sepse i tillë ka qenë shqiptimi i vjetër i fjalës "ëmbël", ende pa lindur toskërishtja... "Po mirë, o bir: le ta gëzojë emrin mbesa!" - më tha... Kohë më vonë, Iliri nga Gostivari dhe bashkëshortja e tij, zgjodhën emrin ËMBLA për vajzën e tyre, një e tillë zgjedhje që më tingëllon po aq e bukur dhe e dlirë sa ajo jona, dikur... ËMBLËS i urojmë suksese në shkollë e në jetë; jo vetëm unë e ime shoqe, por dhe AMLA e motra e saj e vogël Sibora.
Përgjigju