Ndryshe nga maturantët e tjerë Matia provimet e Maturës i ka të personalizuara.
Jeta e tij nuk ka qenë aspak e lehtë. Në gjysmë paralizë, shoqërohet nga nëna e tij, e cila tregon se Matia ka probleme me dëgjimin dhe i prekur nga një tjetër diagnozë. Por ai sërish gjen kurajë për të ecur para.
Matia Mati është maturant i një shkolle profesionale në Tiranë në degën e Hoteleri-Turizmit. 2 provimet e para ka kryer tashmë dhe pritshmëritë për rezultatet i ka të larta.
“Isha përgatitur shumë për këtë provim. Do marr 10“- thotë ai.
Pas provimeve Matia e mendon të ardhmen jashtë vendit. Madje ai e ka vendosur dhe datën kur do të largohet drejt Gjermanisë, bashkë me nënën dhe motrën, ndërsa babai I ndërroi jetë para kohe. Atje i pret motra e tyre e madhe.
“Do iki në Gjermani. Në datën 27. Dëshiroj të bëhem kuzhinier. ”- thotë ai.
Pasionin e tij për kuzhinën e zhvillon edhe në shtëpinë e tij, duke u gatuar dy familjarëve të tij.
"Gatuaj edhe në shtëpi.bëj sallatë jeshile, kotoleta..." vijon ai.
Për herë të parë 170 maturant me aftësi të kufizuar po testohen në provimet e Maturës me teste të posaçme.
G.MO//ReportTv.alKomente
Jet dhe shendet si di drita je marshalla o zot fat te kesh .
PërgjigjuMashAllah. Ja befte zoti mbare kudo te shkoje se forza e kti djali eshte per tu admiruar. Bravo!
Përgjigju