SHKODËR-80 fotografi të shkrepura rreth viteve 1940-1950 nga fotografi shkodran, Pjetër Rraboshta janë prezantuar për herë të parë për publikun në Muzeun Kombëtar të Fotografisë “Marubi”. Momente martesash, pagëzimesh me rroba ceremoniale, por edhe nga e përditshmja, janë vetëm disa nga fragmentet e asaj kohe që serviren për artdashësit.
Kuratori i ekspozitës, Zef Paci ka përzgjedhurpër publikun 80 nga 16 mijëimazhe, që familja e Rraboshtës, ia ka dorëzuarmuzeut. Ai thotë se Rraboshta mbetet fotografi i njerëzve të thjeshte dhe dëshmoi autenticitetin e jetesës së shkodraneve.
“Për mua ka qenë një provojë shumë e bukur për me hulumtuar me muaj të tërë në arkivin e vendosur nga muzeu. Kur i shikon këto imazhe të vijnë në mend përjetime që i ke pasur në fëmijërinë tënde. Nga fotot e “Marubit” ti shikon gjëra që i ke parë edhe më përpara”, tha kuratori i ekspozitës, Zef Paci.
Për të realizuar këto fotografi, Pjetër Rraboshta, ka shëtitur pa reshtur në qytete e malësi. Ai u lind në vitin1917 në Shkodër, në familjen e një artizani që punonte petka tradicionale dhe u nda nga jeta në vitin 1987.
K.T.//ReportTv.al