TIRANE - Bunk’Art 1 dhe Bunk’Art 2 janë dy muze që i janë kushtuar viktimave që kanë vuajtur terrorin komunist në Shqipëri.
BUNK’ART 1, që ndodhet pranë malit të Dajtit, i dedikohet historisë së ushtrisë shqiptare komuniste dhe jetës së përditshme të shqiptarëve gjatë viteve të regjimit.
Turistët e shumtë të huaj, nga vende të ndryshme si Holanda, Gjermania e Italia, të cilët ndodheshin në ambjentet e Bunk’Art 1, u shprehën se ishte një eksperiencë inspiruese dhe se do ta sugjeronin tek miqtë e tyre te cilet dëshirojnë të vizitojnë Shqipërinë.
“Unë vij nga Holanda, është shumë interesante të mësosh për historinë dhe pse ishte ndërtuar ky vend, ishte shumë interesante”-tha një nga turistet
“Unë vij nga Gjermania. Më pëlqeu shumë eksperienca këtu, tingujt dhe fotot e përdorura, ishin shumë impresionuese, më pëlqyen shumë”-u shpreh turistja
“Unë vij nga Italia, është shumë interesante, është një pjesë e historisë së Shqipërisë që nuk e dija, ndërsa tani di dhe detajet, është shumë interesante. Do t’ia u rekomandoja miqve të mi që duan të vizitojnë Shqipërinë, është një eksperiencë inspiruese”-tha një turiste tjetër
Bunk’Art 1 përmban bunkerin anti-atomik të Ushtrisë Shqiptare gjatë kohës komuniste si dhe përmban më shumë se 100 dhoma për qëllime ushtarake dhe qeveritare gjatë një lufte të mundshme atomike.
Bunk’Art 1 dhe Bunk’Art 2, janë vlerësuar me Certifikatën e Ekselencës, nga Trip Advisor, platforma gjigante botërore mbi udhëtimet dhe turizmin.
G.M.//ReportTv.al