Kryeministri britanik Boris Johnson dhe ministri i i Financave, Rishi Sunak, janë vetëizoluar pas kontaktit që patën me Sekretarin e Shëndetësisë Sajid Javid, i cili ka rezultuar pozitiv për koronavirus.
‘Ashtu si qindra mijëra njerëz të tjerë në të gjithë vendin, unë jam izoluar. Më është kërkuar të vetë-izolohem nga sistemi Test Trace dhe Isolate.’- tha Boris Johnson.
Një ditë para se Anglia të heqë kufizimet anti-COVID, kryeministri u bëri thirrje të gjithë qytetarëve që të jenë shumë të kujdesshëm.
Izolimi i tyre ndodhi pasi dy zyrtarët kryesorë të qeverisë Britanike, po merrnin pjesë në një projekt pilot, që do t'i lejonte ata të vazhdonin të punonin në zyrë, kur personat e tjerë të përfundonin orarin e punës. Megjithatë, Johnson e ndryshoi këtë vendim vetëm tri orë më vonë, për shkak të kritikave të shumta.
M.Q./ReportTv.al