Gjykata e Posaçme ka shuar masën e arrestit me burg për ish-zëvendës ministren e Brendshme Rovena Voda, duke i dhënë asaj lirinë. Vetë Voda në dalje nga GJKKO ka thënë se do të luftojë sërish për të fituar pafajësinë e plotë.
Voda u dënua me 1 vit e 3 muaj burgim, por për shkak të gjykimit të shkurtuar, ish-zv.ministrja do të vuaj vetëm 10 muaj në qeli. Po ashtu edhe dy të pandehurat e tjera, Florida Beu dhe Majlinda Hasanin janë dënuar me nga 10 muaj burg. Kujtojmë se SPAK kërkoi dënimin me 1 vit e 6muaj burg për ish-zv.ministren e Brendshme, Rovena Voda dhe nga 15 muaj për Florida Beun dhe Majlinda Hasanin.
Rovena Voda ra në 'rrjetën' e SPAK nga përgjimet që kishin për prokurorin e Kukësit, Edmond Karriqi, i cili u arrestua në Kavajë nën akuzën e korrupsionit. Nga hetimet e kryera nga SPAK, nga përgjimet rezultoi se Rovena Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes.
Sipas dosjes hetimore Majlinda Hasani ka luajtur rolin e sekseres për të lidhur Florida Beun me ish-zv.ministren. Marrja e eurove dhe të mira materiale u filmuan, përgjuan dhe fotografuan nga SPAK, duke çuar në pranga Vodën.
K.T.//ReportTv.alKomente
Nuk e coi as arka as peshku por shperdorimi i detyres, korrupsioni pasiv dhe arroganca tipike qe buron nga arroganca ne pergjithesi prej te superkorrutuarit Rama.
PërgjigjuKa lezet mi lal Per nje ark peshk dhurat 15 muaj burg Per qendra te vrar dhe dhjetra milion euro vjedhje dhe grabitje pronash as gjembi i vogel se shpon Ha ta lumsha moj drejtesia demokratike Posht komunizmi sepse ai i ka te gjitha fajet
Përgjigju