Nisma Thurje ka çelur fushatën zgjedhore për Këshillin Bashkiak. Kryetari i Nismës, Endrit Shabani tha se synojnë që në zgjedhjet e 14 majit të largojnë klasën politike 33 vjeçare, për të cilët thotë se e kanë sjellë vendin në pikën ku të rinjtë nuk e shohin më të ardhmen në vendin e tyre.
Ai prezantoi kandidatët e Nismës Thurje për Këshillat Bashkiak, të cilët tha se kanë moshën më të re nga të gjitha subjektet politike garuese në këto zgjedhje.
Gjithashtu, Pano Soko shpjegoi programin e Nismës Thurje këto zgjedhje duke shpjeguar nevojën që ka Tirana për të patur një transport publik dhe i vuri theksin anulimit të koncesioneve për urbanët. Ai shpjegoi se synimi i Nismës Thurje është që duke shkuar në Këshillin Bashkiak të Tiranës, të kërkojë uljen e çmimit të ujit të pijshëm, si dhe të hetojë se çfarë është bërë me paratë që u mblodhën për të siguruar 24 orë ujë pa ndërprerje.
A.M.//ReportTv.al