Florida Hida është vetëm 8- vjeç por ka marrë një nismë të veçantë.
Në një intervistë në ‘’ Rreze Dielli’’ ajo tregoi se si i dhuroi flokët e saj në ndihmë të fëmijëve të sëmurë me kancer. Florida edhe pse e vogël, ka dëshirë që të kontribuojë në shoqëri, duke ndihmuar ata që kanë më shumë nevojë, dhe ndjehet shumë e lumtur që ka arritur të ndihmojë fëmijët e tjerë.
‘’ Unë ndërkohë që i kisha flokët shumë të gjata, një ditë mami më thotë sepse nuk lejoja askënd që të m’i priste. Një ditë mami mua më shpjegon dhe më thotë do t’ i prisje flokët për një fëmijë dhe ma tregon videon mami, dhe unë direkt them po, dua t’i pres dhe me zor e prisja momentin kur do t’i prisja’’ shprehet ajo.
Edhe pse nuk e kishte takuar kurrë, dhe nuk e njihte fëmijën që do të merrte flokët ajo është ndjerë e gatshme të ndihmojë dikë tjetër që kishte nevojë.
Ajo dha edhe një mesazh sensibilizues nëpërmjet emisionit ‘’ Rreze Dielli’’:
‘’ Të gjithë duhet të falin dhe të dhurojnë dashuri për fëmijët’’ u shpreh ajo.
D.M./ReportTv.al