“Durrësi është kantieri më i madh i rindërtimit”,kështu deklaroi ministrja e kulturës Elva Margariti gjatë takimit të zhvilluar në Muzeun Arkeologjik Durrës për të përuruar nisjen e punimeve për restaurimin e muzeut dhe hapjen e thirrjeve të projektit EU4Culture për grante për trashëgiminë kulturore.
Ndërsa përmendi faktin se një ditë më parë u prezantua në ministri nga arkitekti i njohur Stefano Boeri një projektide mbi restaurimin dhe rijetësimin e disa prej monumenteve më të rëndësishme në Durrës, me të cilëve edhe amfiteatri, margariti theksoi faktin se nuk nuk po dhurohet asnjë pjesë e identitetit tonë kombëtar përmes PPP-ve apo koncesioneve, por po zbatohet praktikat më të mira ndërkombëtare.
Përfaqësues të Delegacionit Evropian në Shqipëri hapën sot thirrjen e dytë për propozimet e organizatave jo fitimprurëse që duan të aplikojnë për grantet e BE, për financimin e projekteve që mbështesin komunitetet që jetojnë në zonat përreth objekteve të trashëgimisë kulturore të prekura nga tërmeti i nentorit 2019.
Ndërkohë, Pamela Lama, menaxherja e UNOPS-it për vendin tonë prezantoi para të pranishmëve sesi do të duket muzeu arkeologjik pas përfundimit të restaurimit të tij. Qëllimi i projektit që do të kushtojë 2.7 milion euro dhe do të zgjasë 11 muaj është shndërrimi i muzeut në një qendër moderne arsimore që do t'i lejojë vizitorët të zhyten dhe te përjetojnë historinë e lashtë permes tregimit klasik dhe të teknologjisë së lartë, si dhe realitetit virtual dhe mjeteve multimediale.
S.C/ReportTv.alKomente
Durresi qyteti me i vjeter në ballkan shumë mirë që muzeu po rijetësohet
Përgjigju