VIDEO
“Planifikimi ka qenë i mangët, projektet të mangëta, po ashtu edhe kontratat dhe në fund produkti është i mangët. Ne kemi një buxhet, 42% më i lartë për financimin e infrastrukturës, do të thotë jo pak, edhe pse nuk është i mjaftueshëm për ndryshimin që duam. Në 4 vitet e ardhshme ne do i dalim, parashikojmë rritje të buxhetit, pasi do të ketë rritje të të ardhurave, por kemi edhe projektin e 1 mld dollarësh” deklaroi ai.
Rama u shpreh se janë 10 segmente të rëndësishme që do të mbulohen nga buxheti i shtetit për 2018. “Do çojmë para projektin e Unazës së Madhe të Tiranës. By-pass-in e Tepelenës, do të përfundojmë rrugën Korçë-Ersekë, do të garantojmë By- Passet e Fierit dhe të Vlorës.
Do të finalizojmë kontratën dhe do të fillojmë punën për rrugën e Arbrit. Milot-Balldren, Tiranë-Thumanë përmes Vorës, Kardhiq-Devlinë, një premtim i përsëritur nga të gjitha partitë, ka ardhur koha për t’i dhënë drejtim, më tutje aksin e ri Kashar-Rrogozhinë drejt Vlorës. Do të fillojë rruga e Thethit, së shpejti është përcaktuar edhe paketë financimi për zhvillimin e turizmit në atë zonë. Rindërtim të gjithë vijës së Shkodrës.
Për By-passin e Shkodrës po ndeshemi me një mal të madh inertesh. Kam marrë shumë letra edhe nga kryetarja e bashkisë për të ndërhyrë dhe me ministrin kemi ngritur një grup për të ndaluar atë masakër. Është fali Zot se nuk dinë se çfarë bëjnë, projekt monstruoz në një nga zonat e mrekullueshme të liqeni i Shkodrës.
Do të ndërtohet aksi i ri që lidh Shëngjinin me Velipojën. Do të financojmë vijën bregdetare të Durrësit. Do të ndërtojmë aksin Fier-Seman, jemi gati të fillojmë rindërtimin e Bulevardit të Vlorës, ka filluar puna për fshatrat e vjetër të Himarës, plazhin e Dhërmiut.
Ne kemi tre akse turistike, nuk ka asnjë dritë të ndizet nga Vora në Shkodër, apo Plepat në Vlorë, spo flas drejt Tepelenës, pasi shumëkush mund të mendojnë se errësira është e traditës.
Ndriçimi ishte në një pjesë të tepsisë rrugët në një pjesë tjetër, ne do të ndriçojmë akset. Duke filluar nga qershori të kemi ndriçim normal në akse. Vetëm rruga Tiranë-Rinas është me ndriçim” tha ai.
Shefi i qeverisë deklaroi se do të dërgohen përpara drejtësisë të gjithë zyrtarët e ARRSH që kanë abuzuar me ligjin për buxhetin.
“Kemi filluar proceset penale për supervizorët dhe zyrtarët e përfshirë në abuzime ndaj buxhetit të shtetit dhe shkelje të ligjit. Do të çojmë para drejtësisë për atë që ka marrë pjesë në këtë shkelje të papranueshme.
Nuk ka zyrtarë ARRSH që mund të hapë buxhet me firmën e tij duke i ngarkuar borxhe qeverisë, ndërkohë që ligji është i qartë dhe ka kufij të kapërcyeshëm edhe nga vetë qeveria” deklaroi ai.
dy.b/shqiptarja.com