Më votimin e kësaj të enjteje në Kuvendin e Shqipërisë është hera e dytë që Sali Berishës i hiqet imuniteti! Në vitin 1998 ndaj Berishës është ngritur akuza e rëndë për 'Kryengritje' për organizimin e trazirave të 14 shtatorit 1998.
Berisha me mbështetësit e tij sulmoi me njerëz të armatosur për disa orë Kryeministrinë, RTSH, Gjykatën Kushtetuese, Ministrinë e Drejtësisë, Ministrinë e Kulturës, ndërsa një granatë u hodh në zyrën e kryetarit të atëhershëm të Kuvendit, Skënder Gjinushi.
Ngjarjet erdhën si pasojë e vrasjes së Azem Hajdarit natën e 12 shtatorit 1998, ngjarje të cilën Berisha e shfrytëzoi për të organizuar një grusht shteti të mirëfilltë. Sali Berisha tërhoqi grupet e armatosura mbrëmjen e 14 shtatorit 1998 pas një ultimatumi të Departamentit Amerikan të Shtetit, i cili dënoi ashpër grushtin e shtetit dhe deklaroi se nuk njihte pushtet që dilte nga dhuna.
4 ditë më vonë, më 18 shtator, me 108 vota pro nga 113 deputetë që votuan, i hoqi imunitetin Berishës së bashku me grupin e tij të ngushtë. Për këtë krim në bazë të Kodit Penal të atyre viteve, për Berishën parashikohej deri në burgim i përjetshëm.
Në përmbajtje të këtij neni vepra penale parashikohej ‘Kryengritja’ në të cilën përcaktohet ‘pjesëmarrja në veprime masive të dhunshme, si vendosje pengesash apo barrikadash për të ndalur forcat e rendit, rezistenca me armë apo çarmatosja e tyre, pushtimi me forcë i ndërtesave, kryerja e plaçkitjeve, grumbullimi apo vënia në dispozicion e armëve, municioneve dhe njerëzve, krijimi i lehtësirave në favor të kryengritësve, të bëra për të përmbysur rendin kushtetues, dënohen me burgim nga pesëmbëdhjetë gjer në njëzet e pesë vjet.
Në Kodin Penal parashikohej se ‘marrja pjesë si udhëheqës apo organizator në veprimet e mësipërme dënohet me burgim të përjetshëm.'
Por me gjithë këto vepra të rëndë, si gjithmonë, i favorizuar edhe nga drejtësia e asokohe të cilën e kishte nën kontroll, çdo gjë përfundoi në një flluskë sapuni.
Në një intervistë për Report Tv, ish-deputeti Spartak Braho i cili ishte kryetar i komisionit në Këshillin e Mandateve që i hoqi imunitetin Sali Berishës tha se ky i fundit u mor me forcë, ndërsa shtoi se nuk u paraqit asnjëherë në prokurori, megjithëse u thirr për 4 vite rresht.
Për trazirat e 14 shtatorit 1998, imuniteti iu hoq edhe Pjetër Arbnorit, Leonard Demit, Vili Minarollit, Shaban Memisë e Jemin Gjanës, por akuza u pushua nga Prokuroria. Organizatorët nuk u ndëshkuan, ndërsa ekzekutuesit e kësaj ngjarje në terren u shpërblyen pas vitit 2005.
Në 2007 prokuroria vendosi arkivimin e “kryengritjes” së 14 shtatorit 1998, duke e cilësuar ngjarjen si një krim të zakonshëm, “vjedhje me armë” e mbetur pa autor.
Vendimi për heqjen e imunitetit të Sali Berishës më 1998
M.Q./ReportTv.alKomente
Ishin gjyqetaret e prokuroret e plepave atehere.Nuk pritej te ndodhte ndryshe.
Përgjigju