Nga ky muaj, të gjithë punonjësit e OSHEE-së, do të përfitojnë rritje page deri në 30%. Rritjen më të konsiderueshme do ta kenë mbi 3 mijë punonjës të terreni të cilët përballen me vështirësitë më të mëdha. Nga 50 mijë që marrin aktualisht, elektricistëve, do t’u arkëtohen 70 mijë lekë në muaj.
“Rritje me 30%. Rreth 3 mijë punonjës do përfitojnë rritje”, Drejtor i OSHE, Enea Karakaçi.
Duke folur për digjitalizimin e këtij sektori drejtori Enea Karakaçi, tha se për herë të parë, Operatori i Shpërndarjes së Energjisë Elektrike, do të aplikojë rritje page edhe për vjetërsi në punë.
“Përveç se rritet me 30% paga, për herë të parë do ketë dhe rritje për shkak të vjetërsisë në punë. Kjo tregon se ne duhet të përmirësojmë shërbimin ndaj klientëve. Sfidat e radhës janë inovacioni dhe digjitalizimi.
Karakaçi tha se kjo rritje pagash vjen si rezultat i reformave të marra ndër vite dhe arkëtimi i mbi 800 milionë eurove në vit.
“Kjo rritje pagash vjen si rezultat i reformave të marrë ndër vite. Më para argëtoheshin rreth 350 milion euro në vit. Sot arkëtohen mbi 800 milion euro në vit. Sot norma e argëtimit është 98%. Muajin tetor e mbyllëm me 113% arkëtim”, tha ai.
Operatori i Shpërndarjes së Energjisë Elektrike ka hapur thirrje për punësimin e 300 elektricistëve, të cilët nuk duhet të jenë më shumë se 25 vjeç, si një mënyrë për aftësimin e të rinjve në këtë fushë.
SI.E.//ReportTv.alKomente
Bravo qeverise bravo e madhe
Përgjigju