Kryeministri izraelit, Benjamin Netanyahu kundërshtoi vendimin e Gjykatës Ndërkombëtare Penale për të lejuar hapjen e hetimeve për krime të luftës në territoret palestineze të okupuara nga Izraeli. Netanyahu tha se vendimi është një “antisemitizëm i pastër”.
“Si kryeministër i Izraelit, unë mund t'ju siguroj këtë: me të gjitha forcat tona ne do të luftojmë këtë shtrembërim të drejtësisë. Gjykata, e themeluar për të parandaluar mizoritë si Holokausti kundër popullit Hebre, tani po shënjestron shtetin e popullit hebre", tha Netanyahu në një deklaratë.
Kryeministri i autoritetit palestinez, Mohammed Shtayyehm tha se vendimi i GJNP-së është "një fitore për drejtësinë dhe njerëzimin".
Të premten, GJNP vendosi që ka juridiksion mbi situatën në territoret e okupuara palestineze, duke krijuar rrethanat që kjo gjykatë të hapë një hetim të krimeve të luftës.
Gjyqtarët e saj kishin "vendosur, me shumicë, që juridiksioni territorial i Gjykatës shtrihet në territoret e okupuara nga Izraeli që nga 1967, përkatësisht Gaza dhe Bregun Perëndimor, duke përfshirë Jeruzalemin lindor".
Izraeli pushtoi Bregun Perëndimor dhe Rripin e Gazës në Luftën Gjashtë Ditore të vitit 1967 dhe më vonë aneksoi Jeruzalemin lindor.
Departamenti i Shtetit i SHBA-së tha se ekzistojnë "shqetësime serioze" në lidhje me vendimin e GJNP, duke shtuar se Izraeli nuk duhet të jetë subjekt gjykatës pasi nuk është vend anëtar.
Komente
Po SH.B.A.c'i duhet qe futet ne kete mes? Izraeli ka bere gabime,duhet qe ta nxjerre vete gomarin nga balta dhe me kete cilesim si /antisemik/, per gjithecka qe nuk i shkon pas qejfit, po behet qesharak kudo ne bote.Gjithnje e me teper po duket si nje femije i superperkedhelur nga te gjithe ,qe nuk i pelqen qe t'i thone JO per asgje.Sic e ka filluar ka krijuar me teper skeptike e kundershtare dhe po vazhdoi keshtu,s'ka Amerike ne bote t'a ndihmoje, kur te vije dita e gjykimit.
PërgjigjuSiç është AntiShqiptarizëm çështja e Hagës kundra UÇK-SË
PërgjigjuPse u djeg kaq shume ju ne qofte se jeni te pastar ? U lodh bota me ju duke ber viktimen por largohuni nga tokat e pushtuara te Palestinezeve
Përgjigju