Pas një bllokimi prej disa orësh, shpërndarja e materialeve zgjedhore vijon tashmë normalisht edhe në KZAZ nr.15 në Laç. Procesi u ndërpre pasi gjatë paradites së sotme, u konstatua një dritare e hapur e objektit nga sekretari i KZAZ dhe pati dyshime se mund të ishin prekur materialet zgjedhore. Por pas verifikimeve të kryera nga grupi hetimor dhe anëtarët e KZAZ, rezultoi se materialet zgjedhore ishin të rregullta dhe tashmë vijon normalisht shpërndarja e tyre nëpër qendrat e votimit.
Ndërkaq në të gjithë vendin kutitë e votimit, fletët e votimit dhe i gjithë dokumentacioni i nevojshëm për zgjedhjet e 25 prillit po shpërndahen me mjetet e ushtrisë dhe policisë. Materialet e nevojshme për çdo Qendër Votimi po shkarkohen në KZAZ-të përkatëse dhe do të shpërndahen më pas në çdo qendër votimi.
Lajmi kryesor:
Ndërpritet shpërndarja e materialeve zgjedhore në KZAZ në Elbasan! Balla: PD pengon procesin, ndryshon komisionerët! Largohen 10 komisionerë të LSI edhe në Devoll
//ReportTv.al