Ditën e martë më 20 shkurt, në mbledhjen e radhës së Komisionit për Reformën Zgjedhore, Kuvendi u ka bërë ftesë Organizatave të Diasporës që kanë fushë të përgjegjësisë së tyre çështjet zgjedhore të marrin pjesë në seancën dëgjimore që do të zhvillohet nesër.
Kuvendi fton të gjitha organizatat e interesuara të marrin pjesë dhe të kontribuojnë me mendime, opinione dhe sugjerime.
Mbledhja e Komisionit do të zhvillohet online, nëpërmjet platformës “Zoom”.
Diaspora u shpreh e pakënaqur me punën e Komisionit të Reformës Zgjedhore për të çuar përpara realizimin e votës e emigrantëve. Shoqata e diasporës “Për Shqipërinë e lirë” tha se Kuvendi po injoron vendimin e Gjykatës Kushtetuese për të mundësuar votën e shqiptarëve që jetojnë jashtë vendit, ndërsa bashkëkryetarëve u kërkon përfshirjen në konsultimet e Komisionit.
M.Q./ReportTv.al