Brazili dhe Zvicra u ndalën në barazim 1-1 në sfidën e zhvilluar mbrëmjen e djeshme. Një nga gjerat që tërhoqi vëmendjen në këtë takim ishin dhe çorapet e grisura të yllit brazilian Nejmar.
26-vjeçari kishte veshur mbrëmjen e djeshme një palë çorape të grisura nga ana e pasme e muskulit të këmbës dhe nuk është hera e parë që një futbollist profesionist të shihet me këto lloj çorapesh.
Shpjegimi i këtij fenomeni sipas specialistëve është se çorapet janë të bëra me fije llastiku që shtrëngojnë muskulin e këmbës që mund të shkaktojnë edhe probleme me qarkullimin e gjakut.
Kjo është edhe arsyeja që shumë futbollistë vendosin që t’i grisin çorapet e tyre në pjesën e pasme të muskulit për të liruar tensionin në muskulin dhe për të zvogëluar dhimbjet në fazën finale të ndeshjes.
