Mirlind Daku po lë gjurmë në Rusi dhe "Bussines-Online" shkruan se një nga klubet e Moskës ka ofruar 7 milionë euro për sulmuesin e Kombëtares. Pjesë e Rubin Kazan, për Dakun thuhet se ka qenë Spartaku i Moskës skuadra që e dëshironte 26-vjeçarin në ekip.
Me kontratë deri në verën e 2026, duket se te Rubin Kazan janë të sigurt se Daku do jetë pjesë e Euro 2024 me Shqipërinë dhe për rrjedhojë do ketë një shifër më të lartë se 7 milionë euro në treg.
Në miqësoret e marsit trajneri Sylvinho nuk e grumbulloi gjilanasin, që këtë sezon në elitën e futbollit rus ka kontribuar për Rubinin në shtatë gola, pesë realizime dhe dy pasime finale.
S.DH/ReportTv.al
Komento
