Titulli: “Aristoteli dhe Dantja zbulojne misteret e universit”
Autor: Benjamin Alire Saenz
Shtëpia Botuese: “Pegi”
Çmimi:1200 lekë
Është një bestseller me një histori që po korr sukses dhe në kinematografi. Romani ‘Aristoteli dhe Dantja zbulojnë misteret e botës’ i Benjamin Alire Saenz i përkthyer nga Rezarta Reso sjell me elegancë dhe ndjeshmëri, historinë e dy adoleshentëve në zbulim të vetes dhe të tjetrit. Rëndësia e miqësisë, familjes, e mbi të gjitha dashurisë që i lidh, në formën më të lirë të saj, përballë dhunës, homofobisë dhe diskriminimit racor, ftojnë lexuesin në një rrëfim emocionues.
Titulli: “Parajsa jote”
Autore: Jaehee Lim
Shtëpia Botuese: “Ombra GVG”
Çmimi:1200 lekë
Fituese e Çmimit të 9-të Botëror të Letërsisë, romani i suksesshëm ‘Parajsa jote’ i shkrimtares Jaehee Lim vjen në shqip nga Sidita Dano-Hoxhiq. Histori sakrificash e emigracioni, që zhvillohen në Haëai dhe ku lexuesi shqiptar mund të gjej veten. Fatet e kryqëzuara të dy shokëve me Najung dhe Kange, dy vajzat që këmbejnë dy bashkëshortët e ardhshëm, të zgjedhur në foto në emër të një borxhi të vjetër.
Titulli: “KEPLER62 - Udhëtimi”
Autorë: Timi Parvela, BJORN SORTLAND, PASI PITKÄNEN
Shtëpia Botuese: “Mediaprint”
Çmimi:900 lekë
Shkenca dhe letërsia bëhen bashkë, në një situatë të mundshme kur jeta në planetin Tokë është duke u shuar. Shkrimtarët Timo Parvela, Bjorn Sortland dhe Pasi Pitkanen, zgjedhin tri heronj të vegjël për ta shpëtuar. Pas ‘Ftesës’ dhe ‘Numërimit mbrapsht’ seria fantastiko-shkencore Kepler 62 për fëmijë, edhe përmes ilustrimeve filmike, ju bën pjesë të ‘Udhëtimit’ më të gjatë njerëzor në një stacion hapsionor.
SI.E./ReportTv.al