Rubrika “Në Librari” përgatitur nga gazetarja Anila Dedaj vjen këtë fundjavë me tre tituj të rinj.
Titulli: “Midis dy burrave”
Autor: Riza Braholli Mborja
Shtëpia Botuese: MediaPrint
Çmimi: 1500 lekë
Era, Marli dhe Mentori, të tre personazhet rrëfejnë në vet të parë histori që të sjella me lirizëm, enden mes moralit, dashurisë, tradhtisë e ambicies për para e pushtet... Ngjarjet në romanin “Midis burrave”, me autor Riza Brahollin janë aktuale dhe zhvillohen në periferi të kryeqytetit tonë. Ato prekin tematika të larmishme, me një finale befasuese.
Titulli: “Të fshehtat e Xhaipurit”
Autore: Alka Joshi
Shtëpia Botuese: MediaPrint
Çmimi: 1400 lekë
Pas romanit “Artistja e kënasë”, autorja bestseller Alka Josha vjen në shqip, me historinë intriguese “Të fshehtat e Xhaipurit”, që shtrihet në fundvitet ‘60. Ditëhijet e biznesit të ndërtimit, të lidhura me Pallatin Mbretëror, e shtyjnë protagonistin Maliku, pas kthimit në qytetin e fëmijërisë, të dyshojë dhe hetojë më tej rreth fajtorëve të vërtetë, që fshihen pas shembjes së lozhës së kinemasë moderne natën e përurimit. Histori dashurie, miqësi të vërteta dhe në sfond kultura indiane, që përplasen me pushtetin e paratë, që të pasurit përfitojnë nga Pallati Mbretëror. Libri vjen në shqip i përkthyer nga Taulant Hatia.
Titulli: “Simon Gjoni – Muzika dhe epoka”
Autor: Andis Gjoni
Çmimi: 500 lekë
“Simon Gjoni – Muzika dhe Epoka”, kompozitori dhe dirigjenti i njohur vjen i rrëfyer në të gjitha dimensionet e tij në këtë 100-vjetor të lindjes. Monografinë që shpalos aspekte kyçe të krijimtarisë së tij muzikore dhe jetës personale, e shkruan i biri. Andisi, në librin e ilustruar me fotografi, sjell ndër të tjera dhe historinë e dashurisë mes prindërve artistë Hermira dhe Simon Gjonit.
M.T//ReportTv.al