Në Belgjikë, personat me identitet gjinor fluid do të mund të ndryshojnë gjininë në çertifikatën e lindjes disa herë gjatë jetës së tyre, pa kaluar një procedurë të jashtëzakonshme në gjykatën e familjes.
Ose mund të ndryshojnë emrin pa ndryshuar gjininë, ose të marrë një emër të pavarur nga identiteti gjinor.
Këtë e parashikon një projektligj i qeverisë që do të paraqitet nesër në Komisionin e Drejtësisë për të thjeshtuar modifikimin e regjistrimit të seksit në çertifikatën e lindjes, raporton gazeta belge “Le Soir”.
Ky është korrigjim i ligjit "transgjinor" që është në fuqi nga viti 2018, që eliminon kushtet mjekësore për të kërkuar ndryshimin e seksit
Megjithatë edhe ky pr/ligj duket se nuk do të zgjidhë plotësisht çështjen dhe do të hapë debate të tjera, prandaj një mundësi tjetër zgjidhje është eliminimi i plotë i gjinisë nga statusi civil por edhe kjo do të hapë një tjetër debat, shkruan ANSA.
S.G/ReportTv.al