TIRANË- Ideja e hedhur nga socialisti Taulant Balla për të shtuar shpejtësinë në autostrada nga 110 në 130 km/h mbështetet nga ekspertët e sigurisë rrugore. Pavarësisht se jo shumë akse plotësojnë kriteret e mirëfillta, sipas ekspertit Mamir Hodo, fillimisht duhet testuar rritja e shpejtësisë në 120 km/h për një afat të caktuar dhe më pas të implementohet sipas propozimit.
“Nuk ka arsye që të mos jetë 120 km/h që në një periudhë kohe prove gjashtë muaj të kaloj në 130 km/h. Bëhet fjalë për autostradat të cilat përmbushin kriteret për një qarkullim të tillë në rrugë. Rruga e Kombit apo Bypassi i ri i Fierit në rrugën e re Fier-Vlorë pasi munden që këtë shpejtësi me 130 km/h ta përballojnë me sukses”, thotë eksperti i sigurisë rrugore, Mamir Hodo.
Por propozimi për uljen e shpejtësisë së automjeteve brenda zonave të banuara nga 40 km/h në 30 km/h nuk është i menduar mirë, thotë eksperti Hodo. Sopas tij, nuk është shpejtësia që shkakton aksidentet në zona urbane, por mungesa e vëmendjes.
“Nuk është e vërtetë që të kalojmë me 30 km/h dhe të ndalojmë aksidentet, që mund të ketë në qytet, por po flasim për rrugë kryesore siç jemi në këtë rast. Nuk është shpejtësia shkaktari i aksidentit por moskoordinimi i veprimeve të shpejtësisë me situatën që të paraqitet dhe na kanë ndodhur aksidente edhe me shpejtësi 20 km/h. Drejtuesit e mjeteve të kenë shumë kujdes në vijat e kalimit këmbësor”, përfundon eksperti Hodo.
Si pjesë të ndryshimeve të Kodit Rrugor, të cilat pritet të miratohen brenda muajit korrik janë edhe rritja e moshës së mbajtjes së patentave nga 65 në 70 vjeç, për disa kategori shoferësh, ulja në 80 km/h e shpejtësisë në autostrada të shoferëve të rinj deri në tre vite me patentë dhe zgjatja e vlefshmërisë së patentave nga 10 në 15 vite.
Intervista e plotë
B.K.//ReportTv.alKomente
Jam dakord. Të rritet shpejtësia se po ecet si në varrim. Të mbyllen hyrjet jashtë kushteve në rrugë dhe të gjobiten ata që përdorin celularë në timon.
PërgjigjuUne them qe duhet hequr fare limiti i shpejtesise se edhe rruget i kemi te mira, edhe shoferet i kemi shume te pergatitur. Ekspertet si ky t‘i eksportojme jashte shtetit ose t‘i veme te ruajne katundaret kur kalojne autostraden per garen 400m me pengesa.
PërgjigjuOre <<ekspert>>, po a nuk jane //testim// shkeljet qe behen cdo dite nga kokedrute ne timon te cilet policia po i gjobit dhe po i arreston cdo dite?!E kane me 110 shkojne me 120-200.A nuk eshte //testim// niveli i alkoolit qe u gjendet perhere,ne cdo ore te dites e nates ne gjak?!Dhe sa per brenda qytetit,kur je me shpejtesi,vemendja //fluturon// nga dritarja dhe bashke me te dhe rregullat e tjera.Ia treguat ketij <<ekspertit>> videon me dron te policise per shkelesit qe nuk rrespektonin kembesoret ne vijat e bardha qe ishte pak me poshte? Ata shofere nuk ishin me shpejtesi e megjithate shkeljet i bene.
PërgjigjuPo ç'është kjo të rritet shpejtësia..?! Që të jetë ajo shpejtësi që dëshiron ky eksperti duhet të flasë për nivelin e cilësisë së rrugëve. Lëre që cilësia asfaltit nuk është më e mira, por dhe punimet janë bërë sikur i ka bërë ustai që më riparon çatinë e shtëpisë sime 100 vjeçare. Valë-valë e ke nga dalja e tunelit të Kërrabës kur vjen nga Elbasani. Autostrada Levan-Vlorë u bë kaq vite dhe akoma nuk janë riparuar ato dy kalime të qelbura mbi urë që mos të kuptohet që ti po kalon mbi një urë. Për mos folur për Tiranë-Durrës-Rrogozhinë, që vetëm autostradë nuk quhet se të futen makinat nga të gjitha anët, plus semafor në të ashtuquajturën unaza e Durrësit. Nëse do akoma, kemi dhe autostradën Rrogozhinë-Fier. Autostradë pa barriera anash dhe me rrethrrotullim vetëm në Shqipëri mund të quhet. Dhe ky pretendon të ecim me 130km/h.. Për këto duhet t'a ngresh zërin ti që pretendon që je ekspert i sigurisë rrugore.. kaqol!
Përgjigju