Avokati Idajet Beqiri nëpërmjet një lidhje skype për emisionin ‘Studio Live’ me gazetarin Arbër Hitaj në Report Tv zbuloi se çfarë do të trajtohet në Gjykatën e Lartë në seancën e 12 marsit mbi dosjen e vrasjes së protestuesve në 21 janar, 2011.
Beqiri theksoi se Kolegji Penal i Gjykatës së Lartë do të dëgjojë pretendimet e tij, si avokat i familjes së Aleks Nikës që kërkon që kjo çështje të hetohet nga SPAK dhe nga ana tjetër do dëgjojë argumentet e përfaqësuesve të SPAK që çështjen ia transferuan prokurorisë së Rrethit të Tiranës.
“Gjykata me gjykimin që i bëri sot, kanë dalë hapur dhe thonë se ka një problem që duhet zgjidhur domosdo duke i dëgjuar të dyja palët. Do dëgjojë SPAK-un pse ia coi prokurorisë së Tiranës çështjen, do na dëgjojë edhe ne që do themi pse duhet ta marrë SPAK-u çështjen. Në 12 mars do kemi një gjykim në Kolegjin Penal të Gjykatës së Lartë dhe atje do japim pretendimet tona lidhur me rekursin që kemi bërë në Gjykatën e Lartë”- u shpreh Beqiri.
I bindur se në 21 janar kemi të bëjmë me një krim shtetëror ku është i përfshirë vetë ish-kryeministri Sali Berisha që urdhëroi të hapej zjarr ndaj protestuesve, avokati u shpreh se gjithçka u bë për mbajtjen e pushtetit me dhunë.
“Kemi të bëjmë me një krim shtetëror, u bë për motivin e vetëm që të mbahej me dhunë pushteti. Megjithëse ishin vjedhur votat dhe populli kërkonte hapjen e kutive të votimit dhe më cështjen e videos ku ish.zv kryeministri u kap me presh në duar duke marrë 700 mijë euro korrupsion të jepnin llogari. Për këtë shkak u urdhërua vrasja e 4 protestuesve me qëllim që t’i trembnin qytetarët e të mos dilnin më në protesta dhe të mbahej pushteti në këtë formë”- shtoi Beqiri.
Më tej avokati duke përmendur dispozitat e Kodit Penal për raste të tilla tha se për vrasje shtetërore, parashikohet dënimi me burgim të përjetshëm.
“Kërkojmë që këta urdhërues, ish-kryeministri dhe ish-ministri i Brendshëm të gjykohen. Qëndrimi i ish-ministrit të Brendshëm... nuk ka mbajtur një pozicion të caktuar se kush e dha urdhërin për vrasjet e protestuesve. Janë vrasje shtetëore, vrasje të tilla për të mbajtur pushtetin me dhunë kemi të bëjmë me nenin 79 të kodit penal, i cili parashikon dënimin me burgim të përjetshëm”- nënvizoi avokati.
Në vendimin e gjykatës së Strasburgut në 14 nëntor të vitit 2023, bëhet thirrje për rihetim dhe dënimin e personave përgjegjës për krimin shtetëror të 21 janarit 2011. Nëse Gjykata e Lartë pranon ankimin e Idajet Beqirit i cili kërkon që SPAK-u të marrë në dorë hetimet për 21 janarin, Prokuroria e Posaçme do duhet të zbardhë akuzat ndaj zyrtarëve më të lartë të qeverisë shqiptare asokohe që drejtohej nga Sali Berisha.
B.V/ReportTv.alKomente
Ore Sali Berisha sa të jet gjall nuk futetet në burg. Se të gjith drejtësia në Shqipri jan qenef publik.
PërgjigjuSali Sheqere Bajga duhet sa më shpejt të futetet në biruc, ky wc e qelbur publike.
Përgjigju