Kreu i PAA, Argon Duka e ka cilësuar si shumë të domosdoshme ndryshimet e sistemit zgjedhor, nismë nga partitë e vogla opozitare. Duka shpjegon se kanë edhe dakordësinë e deputetëve të Rithemelimit dhe të PD-së. I ftuar në Studio Live me gazetarin e Report Tv, Arbër Hitaj kreu i PAA thtoë se ky sistem nuk ka as pëlqyeshmërinë e popullit.
“Ky është i padrejtë si sistem zgjedhor. Nuk them që ka një sistem perfekt po ky që është ëstë më i gabuari. Duke qenë se është një sistem që ka dalë vetëm nga mazhoranca edhe pse ata thonë të kundërtën… Duke qenë kështu nuk mund të jetë jetëgjate një sistem i tillë i cili nuk ka as pëlqyeshmërinë e popullit.
Me këtë lloj sistemi ne e kemi të pamundur të arrijmë pushtetin. Kemi kontaktuar me shumë deputetë nga dy PD-të, pra nga Rithemelimi dhe nga PD. Shumica e tyre janë dakord parimisht, por ne duhet ta ngjizim këtë.”- tha Duka.
I pyetur se si e kanë pritur etiketimin ‘parti të vogla’, Duka nuk e sheh si nënvlerësim, pasi edhe pse kjo është nismë e marrë nga parti të vogla, bashkimi i tyre do të sjellë rezultat. Duka e sheh me dobi këtë nismë pasi do u jepet mundësi forcave të reja të ndryshojnë sistemin.
“Më duket e habitshme sesi mund të ketë kundërshtarë e trajtojnë problemin te partitë e vogla, por janë bashkësi partish.
Që t’u hapim rrugë forcave të reja do duhet ta ndryshojmë këtë sistem.”- tha ai.
Duka komentoi pozitivisht digjitalizimin e Kadastrës, por tha se megjithatë sportelet fizike nuk duhet të hiqen menjëherë.
G.MO//ReportTv.al“Duke qenë se bota po shkon drejt digjitalizmin mendoj se është pozitive, Sa më shumë të shmangësh njeriun, aq më shumë e shmang korrupsionin. Pro problem është tek njerëzit në moshë që e kanë të vështirë të përdorin e-albania. Duhet të ketë një periudhë ku të jetë një shërbim hibrid për Kadastrën. Unë s’jam për ndryshime drastike.”- tha përfundoi ai.
