Ora 20:30 e mbrëmjes së sotme i ka gjetur rrugët e qytetit të Beratit totalisht të boshatisura dhe baret e restorantet të mbyllura, ndërkohë që ka forca të shumta policie në rrugica.
Ashtu siç edhe u vendos nga Ministria e Shëndetësisë për ndryshimin e orarit të karantinës, baret dhe restorantet në Berat shpejtuan të mbyllin qepenat disa minuta përpara orës 20:30, për të respektuar masat e vendosura, si e vetmja mënyrë për të minimizuar përhapjen e COVID-19.
Edhe rrugët e qytetit filluan të boshatiseshin që prej orës 20:00, ndëkohë që vijojnë të jenë të hapura në qytet vetëm shërbimet "delivery". Në rrugët e qytetit shihen kudo forca të shumta policore, që janë duke patrrulluar në çdo aks rrugor për të kontrolluar respektimin e karantinës, ndërkohë që të shumtë janë edhe efektivët civilë që po patrrullojnë çdo lagje të Beratit.
Përveç efektivëve të policisë, në rrugë qarkullojnë vetëm punonjësit e shërbimeve spitalore dhe autoambulancat. Siç edhe duket nga pamjet filmike beratasit e kanë respektuar "karantinën" dhe i janë drejtuar me shpejtësi banesave të tyre,duke rikthyer "heshtjen" dhe "qetësinë" në çdo rrugë të qytetit.
Lajmi kryesor:
Hyjnë në fuqi masat e reja anti-COVID/ Shqipëria në karantinë nga ora 20:30-06:00! Tirana, Fieri, Berati, Lezha dhe Shkodra zbatojnë orën policore
//ReportTv.al