Grupi i punës i ngritur për pasqyrimin e ndryshimeve kushtetuese në kodin zgjedhor zhvilloi këtë të enjte mbledhjen e parë.
10 ditë pas ngritjes së tyre, grupi i punës i përbërë nga Damian Gjiknuri, Klotilda Bushka dhe Korab Lita u njohën me propozimet e mbërritura në Kuvend, atë të PS-së dhe disa amendamente nga opozita parlamentare.
Deputeti Korab Lita shprehu disa rezerva mbi propozimet e paraqitura dhe kërkoi më shumë kohë në dispozicion për të depozituar në këtë grup pune propozimet e tij në emër të opozitës parlamentare.
Grupi u dakordësua që të vazhdojë punën dhe të rimblidhet gjatë pasdites së sotme (24 shtator) për tu njohur me propozimet e deputetit Lita, në kërkim të arritjes së konsensusit sa më të gjërë për amendamentet e Kodit Zgjedhor.
Komisioni Parlamentar për Çështjet Ligjore dhe Administratën Publike i ka lënë afat këtij grupi pune datën 30 Shtator për të përmbyllur draftin.
E.M./ReportTv.alKomente
Cfare fytyre e urryer ky Korab LITA. Vemje qe eshte lyer me korrupsionin e RILINDJES.
Përgjigju