Shqipëria do luajë sonte kundër Islandës ndeshjen e fundit në grupin e Ligës së Kombeve që ka një rëndësi specifike pas disa disfatave rradhazi. ‘Është për të treguar se mund të ringrihemi’ tha Sokol Cikalleshi, i cili gjithashtu i bëri thirrje tifozëve që të jenë sa më të shumtë në stadiumin ‘Air Albania’.
Report Tv mëson se deri më tani janë shitur rreth 8 mijë bileta për ndeshjen, ndërsa pritshmëria e FSHF-së deri në orën 20:45 kur takimi të nisë është që kjo shifër të shkojë në 10 mijë.
Një numër relativisht i ulët që lidhet me një sërë faktorësh. Pritshmëria e vogël që tifozët kanë te kombëtarja, humbjet e fundit apo edhe dalja jashtë objektivit. Me shumë mundësi kjo do të jetë edhe ndeshja e fundit e trajnerit Reja në krye të kombëtares shqiptare.
Lajmi kryesor:
10 ndeshje asnjë fitore! Lenjani s'mjafton! Shqipëria nuk ia del as me Islandën! Pëson gol në 97'! Tifozët kërkojnë largimin e Rejas
Ne.k./ReportTv.al