Dy persona janë arrestuar nga policia në Tropojë pasi ndërtuan pa leje në zonën e mbrojtur të Luginës së Valbonës.
Në pranga ka rënë Prek Jubani, 64 vjeç, banues në fshatin Rrogam pasi kishte ndërtuar një objekt pa leje, në vendin e quajtur "Rrëzë Brijës", i cili është zonë e mbrojtur.
Edhe Sali Selimaj , 75 vjeç, banues në fshatin Valbonë është arrestuar pasi kishte ndërtuar një objekt pa leje, në vendin e quajtur "Bujtina Jezerca", në fshatin Valbonë, i cili është zonë e mbrojtur.
Të dy akuzohen për veprën penale "Ndërtimi i paligjshëm".
Materialet në ngarkim të këtyre shtetasve i kaluan Prokurorisë pranë Gjykatës së Rrethit Gjyqësor Tropojë, për veprën penale “Ndërtimi i paligjshëm”.
Komento
