Urdhri për ndalimin e gjuetisë së krapit nuk po zbatohet në liqenin e Fierzës, ndaj Kreu i Organizatës së Menaxhimit të peshkimit në Kukës deklaron se do të ketë gjoba dhe ndjekje penale për peshkatarët.
Gjuetia e peshkut në ujërat e liqenit të Fierzës është e ndaluar në çdolloj forme për periudhën Prill-Maj, me qëllimin shumimin e krapit.
Mirëpo ky urdhër i ministrisë së Bujqësisë nuk po zbatohet. Siç shihet në pamjet që sjell Reportv, ka ende peshkatarë që hedhin rrjetat në liqenin e Fierzës.
Kryetar i Organizatës së Menaxhimit të peshkimit në liqenin e Fierzës, Beqir Iseberi bën thirrje për pezullimin e këtij aktiviteti deri në fund të muajit maj, në të kundërt peshkatarët që do kapen duke gjuajtur do të ndëshkohen sipas ligjeve në fuqi.
Liqeni i Fierzes pati një rënie të madhe te nivelit të ujit në mesin e muajit mars duke ndikuar negativisht tek gjallesat e tij nënujore. Në të rriten së paku 13 lloje peshqish.
J.GJ.//ReportTv.al
