Michael Polak, avokati i politikanit serb Nikolla Sanduloviç, është ndaluar nga Policia e Serbisë dhe aktualisht po merret në pyetje.
Lajmin e bëri vetë Sanduloviç i cili kërkoi reagimin dhe ndërhyrjen e ndërkombëtarëve.
“Urgjente!!!!!!!! Avokati im nga Londra Michael PolakLaw sapo u ndalua nga pjesëtarët e policisë së Vuçiçit që po e marrin në pyetje… A do të bëjë më në fund komuniteti ndërkombëtar diçka për regjimin diktatorial në Serbi?”, shkroi ai në rrjetin social X.
Pas kësaj ka reaguar deputetja britanike Alicia Kearns e cila u shpreh e shqetësuar dhe bëri të ditur se e ka njoftuar Ministrinë e Jashtme të Britanisë.
“Kjo është thellësisht shqetësuese – kam folur me Ministrinë e Jashtme dhe ata janë në dijeni”, tha ajo.
Politikani opozitar serb, Nikolla Sanduloviç, javë më parë ishte arrestuar e torturuar nga BIA serbe, për shkak se e kishte vizituar Prekazin dhe kishte bërë homazhe te varri i Blerina Jasharit.
Po ashtu, nga BIA ishte ndaluar edhe vajza e tij për të njëjtën arsye. Edhe avokati i tij serb ishte marrë në pyetje për shkak të vizitës së tij në Prekaz.
Urgent!!!!!!!!
— Nikola Sandulovic (@Sandulovic_N) February 1, 2024
My lawyer from London @MichaelPolakLaw was just detained by members of Vučić's police who are questioning him... Will the international community finally do something about the dictatorial regime in Serbia?@aliciakearns @David_Cameron @Europarl_EN @StateDept @BBC
M.Q./ReportTv.al
