Legjenda e Milanit Franco Baresi

‘Napoli i fortë, por Milan ka histori!’ Baresi komenton shortin e Champions-it: S’është përballje e Seria A

17 Mars 2023, 15:55| Përditesimi: 17 Mars 2023, 15:59

  • Share

Menjëherë pas shortit të çerekfinaleve të Champions League kanë ardhur edhe reagimet e para, me protagonist legjendën e Milanit Franco Baresi, i cili komentoi Napolin, kundërshtarin e ‘djallit’. Fillimisht për “Sport Mediaset” ai u shpreh se:

“Napoli do të jetë një kundërshtar shumë i vështirë. Po kalojnë një vit të jashtëzakonshëm dhe një vit të madh. Do të jenë ndeshje të hapura në të cilat ne do të duhet të rrisim nivelin dhe të bëjmë paraqitje të shkëlqyera. Do të na duhet më shumë për të ecur përpara.”

Napoli i preferuari?

“Konkurencat europiane janë gjithmonë të veçanta dhe të ndryshme nga kampionati, ku po dëshmohen se janë superiorë ndaj të gjithë të tjerëve, me paraqitje mbresëlënëse. Duhet t’i respektosh ato. Megjithatë, Milani ka një histori dhe ne do të luftojmë për të.”

A ka rëndësi historia në Champions?

“Sigurisht që ju ndihmon. Nëse luani për Milanin, e dini se keni disa përgjegjësi, e dini historinë… Rrugëtimi ynë ka qenë shumë i mirë. Fatkeqësisht, një italiane do të ndalet, por ne kemi gjithçka për të krijuar probleme edhe për Napolin.”

Ne.k./ReportTv.al
Komento
  • Sondazhi i ditës:

    Pronat shtetërore mund të shkëmbehen me private, si e vlerësoni ligjin?