Tirane- Magjia e grupit “Queen” ‘pushtoi’ këtë fundjavë skenën e Teatrit të Operas. 40 albume të publikuar, 300 milionë kopje të shitura e mbi 707 koncerte live
Me sallën e tej mbushur këngëtari italian Antonello Carozza erdhi në rolin e liderit të grupit Freddie Mercury, duke e përqendruar performancën tek vokali dhe duke qëndruar brenda identitetit të tij.
Shpirti i grupit “Queen” u përcoll me mjeshtëri nga dirigjenti italian Roberto Molinelli, që pavarësisht gjuhës, lidhi lehtësisht ura komunikimi me publikun.
Nuk munguan as batutat, si në prezantimin e muzikës së hitit të Queen “To much love will kill you”
Orkestra Simfonike dhe Kori i Teatrit të Operas, plotësuan performancat e Carozza-s, ku edhe publiku ishte pjesëmarrës.
U interpretuan këngë hite si“We are the Champions”, “We will Rock you”, “The show must go on” e natyrisht “Bohemian Rhapsody”
Transformimin i skenës së “Operas”, për një koncert ‘rock’ të muzikës së “Queen” pati si përgjigje ovacionet e spektatorëve.
S.G//ReportTv.al