Startup-i xAI i inteligjencës artificiale të miliardierit Elon Musk do të integrohet në platformën e tij të mediave sociale X dhe gjithashtu do të jetë i disponueshëm si një aplikacion i pavarur, tha ai të dielën në një postim.
Miliarderi tha gjithashtu se xAI lëshoi modelin e tij të parë të AI, një bot të quajtur Grok, pasi e bëri atë të disponueshëm për të gjithë abonentët X Premium+ të premten, raporton Reuters.
Musk i cili ka kritikuar përpjekjet e Big Tech për inteligjencën artificiale si censurë, në korrik lançoi xAI, duke e quajtur atë një “Inteligjencë Artificiale maksimale që kërkon të vërtetën” që përpiqet të kuptojë natyrën e universit për të rivalizuar Bardin e Google (GOOGL.O) dhe Microsoft (MSFT.O) Bing AI, raporton Reuters.
“Grok ka akses në kohë reale në informacione nëpërmjet platformës X, e cila është një avantazh masiv ndaj modeleve të tjera”, shkroi Musk.
Platforma X, firma e mediave sociale e njohur më parë si Twitter që zotëron Musk, është e ndarë nga xAI, por kompanitë punojnë ngushtë së bashku. xAI gjithashtu punon me prodhuesin e tij të makinave elektrike Tesla (TSLA.O) dhe kompani të tjera.
S.S/ReportTv.al