Musaka me patate dhe sallam/suxhuk
Përbërësit:
- 1 kg patate
- 500 gr sallam / suxhuk
- 1 qepë mesatare
- 2-3 thelpinj hudhër
- 2 speca
- 1 karrotë
- 100 gr pure domate
- Kripë, piper i zi, piper i kuq
Për kremin:
- 400 ml qumësht
- 3 kokrra vezë
- 3 lgj vaj ulliri
- Arrë moskat
- Kripë, piper
- Djathë pice
Përgatitja:
Patatet i presim në feta rrumbullake dhe i vendosim në furrë të piqen spërkatur me pak kripë e piper. Ndërkohë kaurdisim qepën e grirë imët, më pas shtojmë karrotën të grirë në rende, specat e prerë në kubikë, gjithashtu dhe sallamin ose suxhukun. Vijojmë me kaurdisjen për pak minuta, rregullojmë shijen me kripë, piper të zi dhe piper të kuq. Shtojmë në fund pak salcë domateje, vendosim kapakun dhe e lëmë kimën të gatuhet për pak minuta. Rrahim vezët me kripë, piper të zi, arrë moskat, vaj ulliri dhe qumësht. E trazojmë mirë derisa masa të lidhet plotësisht. Vendosim në një tavë një shtresë me patate, një shtresë me kimë, e spërkasim me pak djathë, vendosim një tjetër shtresë me patate, kimë dhe djathë të butë pice. Hedhim në fund kremin me vezë dhe qumësht dhe e vendosim musakanë në furrë për 35-40 minuta.
MC/ReportTv.al