Shqipëria ka ndalur importet e derrave nga Sllovakia, Italia, Hungaria, Letonia, Bosnje-Hercegovina, Kroacia, Danimarka, Holanda, Belgjika, Estonia, Moldavia, Poloni dhe Ukrainë.
Ky vendim është marrë pasi në këto vende janë zbuluar raste të infektimeve të kafshëve me sëmundjen e “Murtajës Afrikane”. Ende nuk dihet se sa gjatë do të zgjasë ky vendim pasi Ministria e Bujqësisë dhe Zhvillimit Rural nuk e ka përcaktuar.
Murtaja afrikane e derrit është sëmundje ngjitëse virale, që shkakton ethe hemorragjike te derrat e butë dhe të egër. Sipas gjetjeve të deritashme shkencore, sëmundja nuk transmetohet te njerëzit e as te kafshët e tjera.
Po ashtu për shkak të sëmundjes së influencës aviare, nga, Kroaci, Danimarkë, Holandë, Belgjikë Itali, Bullgari, Hungari, Gjermani është vendosur edhe bllokimi i importeve të shpendëve të gjallë dhe mishit të tyre.
M.Q./ReportTv.al